"Во имя Отца, и Сына, и Святаго Духа, аминь. Нравом причастник и
апостолам наместник, апостолом быв, деяние обрел еси боговдохновенне, в
видениях восход, сего ради слово истины исправляя, веры ради пострадал
еси даже до крови, священномученице Киприане и Иустина, молите Христа
Бога, избавите раба Божия от всякого злаго волхвования и колдования, от
врага и супостата и всяких вредов, козней и зол, лик ангельский от
художества волшебного обратился богомудре к познанию божественному,
показався еси миру врач мудрейший и исцеления даруя чествующим тя,
Киприане со Иустиною, с нею же молися Человеколюбцу Владыце очиститися и
избавитися рабу Божию (имярек) от всякого злаго очарования, обаяния,
колдования и волшебства, козни и всех злых действий, от сего часу и
минуты по весь его век и на всю его жизнь, во веки и в век, аминь". Молитва, аще кто в доме глумится
"Господи Боже спасения нашего, Сыне Боже живаго, на херувимах
носимый, превыше всякаго начала, власти, силы и господства; Ты еси
великий и страшный над всеми сущими окрест Тебе. Ты еси, поставивый
небо, яко камору, Ты еси, сотворивый землю в крепости Твоей, исправивый
вселенную в премудрости Твоей, трясый поднебесную от оснований, столпы
же ее неподвижны; глаголай солнцу, не воссияет, звезды же запечатлеяй;
запрещаяй моею и иссушаяй морю, иссушаяй его; его же ярости тает начало и
власти, и камени сотрясошися от Тебе. Врата медные стерл еси и верия
железныя сломил еси; крепкаго связал еси и сосуды его раздрал, и
мучителя Крестом Твоим низложил еси, и змия удицею вочеловечения Твоего
привлек еси, и узами мрака в тартаре посадив, связал еси. Сам убо,
Господи, утверждение, на Тя, Господи, надежду возлагающих, крепкая стено
на Тя уповающих; отступити сотвори, отжени и в бегство претвори всяко
диявольское действо и всякое сатанинское нахождение, всяк навет
сопротивный и надлежащия силы от крова сего и от обдержимых от него, и
от обходящих пред ним, знамением страшные на демонов победы креста
Твоего носящих и призывающих имя Твое благое; ей, Господи, легион бесов
отгнавый и глухому и немому, демону и нечистому духу, удержавшемуся от
человека изыти и исходу невозвратному быти, повелевый; все ополчение
врагов невидимых наших потребивый, верныя же и познавшия тебе умудривый,
се даю вам власть, еже попрати верху змиев и скорпиев и на всю силу
вражию. Сам Владыко, высший всякого вреда и искушения, вся сущия в дому
сем сохрани и, избавляя их от страха нощнаго и стрелы летящия, во дни от
вещи во тьме преходящия, от страща и демона полуденнаго, до твоей раби,
твоя рабыни и младенцы наслаждающияся, помощи и ангельским силам
воинством храними, яко един все во единомыслии верно поют: "Господь мне
помощник, не убоюся, что мне сотворит человек и паки не убоюся зла, яко
Ты со мною еси, яко Ты еси, Боже, утверждение мое, крепкий обладатель и
князь мира, отец будущаго века, и Царство Твое и Царство Вечное, и Тебе
единаго есть царство и сила, и слава со Отцем и Святым Духом, ныне и
присно, и во веки веков, аминь" Молитва из рукописной книжки Г.Д. Книголюбова.